Dienstag, 13. August 2013

Summer Sun Fun

Hi Guys

(okei das hani vrgester gschribe...Han eifach im moment so viel los und han so wenig zit :P)

Aaah es isch soo schöns Wetter da! Ich gnüss es richtig! Ich sitz grad ufem Balkon los Musig und han grad chli Zit zum eu vo mine leschte paar Täg verzelle... Es isch so viel passiert!
Also, ich glaub am Fritig binich zu mim Gastmami züglet (han überhaupt keis Zitgfühl da :P) Sie isch mich cho abhole und het grad no 2 Mäitli i mim Alter mitbracht! Die sind soo soo mega lieb und ich han mich vo Afang a grad mega guet mit ihne verstande! Mir sind direkt witer anes Rodeo :D Omg ich seg eu ich han mich gfühlt wie imne Film :P Es isch so cool gsi!! Mir sind det acho und hend denn zerscht mal eppis gesse (ja Mami, ich han en Hamburger gesse, sorry :P) Denn hemer chli Zit gha bis sRodeo agfange het und sind chli umegloffe und hend eus chli unterhalte und ja halt eifach chli Zit vertribe! Mis Gastmami het eppe jedi 2 Person kennt und het mich allne vorgstellt und und und! Denn isches so wit gsi und ich bin serscht mal life amne Rodeo gsi!! Wuhuu! Es isch voll cool gsi und es het mich mega a de Film "Habt ihr das von den Morgans gehört" oder so :) (Näde chan sich sicher dra erinnere :P) Alli sind i Cowboy Schue und me Cowboy Huet umegloffe :)) Nach em Rodeo simer heigfahre und dKim und Camilla die 2 wo mit cho sind, hend mich gfragt ob ich ned will bi ihne übernachte... Natürlich bin ich sofort debi gsi und mis Gastmami isch mega glücklich gsi, das ichs so guet han mit ihne :) So isches cho das ich bide Kim übernachtet han, ufem Trampolin!! :O Unter em Himmel! Es isch so genial gsi! De Himmel da isch so schön! Nie wür mer so viel Sterne UND dMilchstrass in Züri gse :) DKim und Camilla hend mir denn no syearbook zeigt, jetzt weissi so ungefär uf was ich mich muss ischtelle :D Am nechschte Tag bini denn zu mim Gastmami und han nomal bis am 1 am Nami gschlafe und denn min Koffer uspackt und alles igrumt... Denn hemer dCamilla nomal troffe und ihr Gschwüschterti und hend im Flughafemuseeum oder so chene luege wie dFlugis startet. Am Abig bini denn mit mim Gastmami im PizzaPieCafe go esse und han det sbeschte Dessert ever gha *__* und dnüdeli sind au de Hammer gsi!! 
Ok und hüt am Morge simer id Chile will si sind da voll Religiös und gönd jede Sunntig id Chile und ja... Dchile da isch irgendwie ähnlich wie ide Schwiz also es gat eppe 1 h und es redet vore paar und ja das isch ned so spannend, aber nacher treffet sich alli inere art Klass und das isch mega spannend! DCamilla isch übrigens au wieder det gsi, und das isch mega interessant gsi idene 2 h will sie hend über dWelt udn so gredet. Alli sind so lieb gsi und hends mega cool gfunde das ich da gsi bin! Sie mached au voll viel so Activities zäme... Ich glaub das isch no luschtig :D 
Ja und jetzt binich da chli am relaxe und am Abig chunt no bsuech glaubi und ich mach nacher no Brownies :D 

Real Idaho potatoes 

Rodeo

Wie ide Film :D



First Sleepover :D

My home for the next year

My neighborhood

My garden


Also ich wünsch eu ide Schwiz e schöni Nacht und passet uf eu uf!! Will eu alli heil und gsund wieder gse wenni zrug chume!! Love you all

xoxo AnnA

Donnerstag, 8. August 2013

Endlich endlich acho! :)

Hei

Also nachere sehr sehr lange Reis, binich endlich in Idaho acho!
Mir sind 1 Tag spöter als erwartet acho! Eigentlich hette mer selle vo Boston uf Chicago und vo Chicago uf Denver und denn witer uf Idaho. Aber wies halt het müsse cho, isch de Flug vo Denver uf Idaho gstriche worde wg me Sturm! Es sind recht viel Lüt am Flughafe gsi will mega viel Flüg gstriche worde sind... Mir sind z vierte gsi und hend probiert 2 Hotelzimmer übercho. Aber alles isch usbuechet gsi und denn hemer EF aglüte und die hend denn probiert eus es Zimmer zsuech. Mir sind denn völlig übermüedet am Flughafe gsi und hend eus scho druf igstellt det zübernachte wo mis Handy glütet het und eine vo EF gseit het, er heigi zwei Zimmer gfunde :) Mir sind mega froh gsi und sHotelzimmer isch au mal wieder de hammer gsi! Mit Chuchi und allem drum und dra ;)
Am nächschte Tag simer die ganz Zit am Flughafe gsi und hend chli dläde agluegt und gesse und Film gluegt.
Am halbi 12 ide Nacht simer denn endlich in Idaho acho :D Und es sind all so mega herzig und lieb gsi! SBeschte isch gsi, dass sie mich meega überrascht hend! Mini Gastmueter isch au det gsi!! Ich bin so gschockt gsi will ich han ja ned gwüsst das ich e gastfamilie han!! :D Das isch super gsi! Trozdem binich jetzt zerscht mal bi de Nikki, will sie sich erscht churz bevor ich acho bin entschide het mich ufznä! Sobald si aber alles parat het chanich zu ihre und ich freu mich wüki meeeegaa :D

Idaho Falls *_*

Poschte :)

Chueche 

Ja so öppe alles chamer us dene dinger usela :P

Mittwoch, 7. August 2013

Camp was so much fun :D

On our way to the USA
Sunnebrülle guet?

First American cofe

Guess who was at Harvard?

Future Harvard Students

Hard Rock Cafe 



Harvard

Boston rocks!

I believe I can flyyyyy

That's what they call "small" in the US

Sich besser fühle wenn mer Frücht isst ;)

We won this activity :D

Freaks

Harvard again


First Baseball Game

Moin :D

Let's go Monsters, let's go!!

We just wanna have fun :)

Norway, Norway

Nachos, Popcorn and Cracker Jacks: Nooo we're not getting fat ;)

Fun day at the beach

Happy National Day Switzerland!

1. August

Playing Twister

Samstag, 3. August 2013

Airport

Ich bin grad am Flughafe in Boston und han grad gnueg Zit zum nochli zverzelle :) 
Hüt am morge simer am 5:30 losgfahre mit em Bus vo Vermont 3h uf Boston und jetzt sizemer da z sechste am Gate und wartet bis es halbi 1 isch:/ Voll viel Zit hemer :P Aber es isch no luschtig und ich bin uh mega froh, dass ich ned ellei muss flüge! :)

I paar Stund bini scho in Idaho! Ich bin so ufgregt! Aber ich weiss das es eis vo mine beschte Jahr wird! Hoffich zu mindest!

Vor 4 Täg oder so het mir mini arrival Hostmum gschribe, dass sie mir e mega cooli Familie gha hettet. Aber die hend mich denn doch ned chene ufnäh will dschuel wo bi ihne ide nöchi isch kei Ustuschschüeler me ufnimmt:( Voll schad, aber ich freu mich au mega zerscht mal bi de Nikki zwohne! Und wenn ich mini Gastfamilie no bechume bevor dSchuel im September afat, denn wird mir i dem Monet glaubs au ned langwilig :P 

Fotis chemed so schnell wie möglich :)